மாற்றீர் என் கவலை
பல்லவி
மாற்றீர் என் கவலை அருள்பெற
மாற்றீர் என் கவலை;-மிக
மாற்றியே கலி தீர்த்தீர் உமது
மகிமையை நிறைவேற்றி.
சரணங்கள்
1. சமனவரசே,[1] நீர் தந்தை
சமனவரசே, நீர்-ஒரு
சந்திர பதம் போல் சுடரே விடுத்தீர்,
தாசனுரு வெடுத்தீர். - மாற்றீர்
2. சூதலகையை நீக்கி, அழலின்
சூதலகையை நீக்கி,-என் கை
தூக்கி, உலகிடர் போக்கி, எமையே
துதிக்கவும் மயலாக்கி.[2] - மாற்றீர்
3. சடலமுலகம் சூது, பொல்லாச்
சடலமுலகம் சூது;-இது
தகாததின் மடவாது கொடியது;
சஞ்சலம் இனி யேது? - மாற்றீர்
4. நலங்கடமை[3] வழுவி, சுகிர்தன்
நலங்கடனை[4] வழுவி,-வழி
நழுவி விழுமெனைக் கழுவி அழகாய்
நலமாக்கவே வருவீர். - மாற்றீர்
ராகம்: சங்கராபரணம்
தாளம்: ஆதிதாளம்
ஆசிரியர்: வே. சாஸ்திரியார்
[1] வானவர் அரசே
[2] ஆசையாக்கி
[3] நலன்கள் தமை
[4] நல்ல கட்டளையை