விமல முத்தர் இவர் யார்?
பல்லவி
வெள்ளை அங்கிகள் தரித்த
விமல முத்தர்[1] இவர் யார்?
அனுபல்லவி
கள்ள மில்லா ஆட்டுக்குட்டிக்
கருணைவள்ளல்[2] முன்நிற்கும். - வெள்ளை
சரணங்கள்
1. நானாதிக்கிலுமிருந்து
நயந்து வந்தவர் இவர்;
கோணாது துன்பக் கடலில்
குளித்துவந்தவர் இவர். - வெள்ளை
2. குருத் தோலைகள் பிடித்துக்
கொற்றவனைச்[3] சூழநிற்கும்
பெருத்த கூட்டத்தார் இவர்;
பேரன்பின் அடியார்களாம். - வெள்ளை
3. ஆட்டுக் குட்டியாலே மீட்பை
அடைந்த உத்தமர் இவர்;
தேட்டமுடனே[4] நாயனைச்
சேவித்து நிற்கின்றார் நித்தம். - வெள்ளை
4. பசிதாகம் யாவுமற்றார்;
பாக்கிய நிலைமை பெற்றார்;
உச்சித மோட்சத்தின் கண்ணீர்
உகுக்கா[5] வாழ்வினை யுற்றார். - வெள்ளை
ராகம்: கன்னடா
தாளம்: ஆதி தாளம்
ஆசிரியர்: ல.ஈ. ஸ்தேவான்
[1] முக்தர்
[2] கடவுள்
[3] அரசனை
[4] விருப்பத்துடன்
[5] விடாத