அருள் சூடாமணியே
1. விண்மணி, பொன்மணி, வித்தக[1] மணியே,
விட்புலம்[2] பூவிற்கு விழைத்திடுங் கனியே,
சொன்மணி மாலை தொகுத்த நல்மணியே,
சோதியாய் இங்கெழந் தருள் சூடா மணியே!
2. பன்மணி கோத்தொளிர் பாவலர் மணியே,
பாக்கியம் தருஞ்சீவ காருண்ய மணியே,
கண்மணி பொன்றினோர்[3] கண்மணி ய்ருளக்
கண்டனர் உரைகேட்டக் கண்ணருள் மணியே!
3. மங்கை சீயோன்மகள் பூண்ட வானணியே,
மாசிலார் உளமதில் ஒளிரும் அம்மணியே,
நங்கைமரிகன்னி யீன்ற கண்மணியே,
நரர்சுரர் போற்றிடு நாயக மணியே!
ராகம்: சுருட்டி
தாளம்: சாபு தாளம்
ஆசிரியர்: த. ஐயாத்துரை
[1] ஞான
[2] வானம்
[3] இழந்தோர்